Cambodia News: dap-news

លោក ទៀ វិចិត្រ ជួយ​សង់​ផ្ទះថ្មី ដល់ស្ត្រី​មេម៉ាយ ភ្លើងឆេះផ្ទះ នៅអូរត្រេះ និង​ផ្តល់​អំណោយ​ មនុស្សធម៌​ដល់​ពលរដ្ឋ​ម្នាក់​ នៅព្រៃនប់

ព្រះសីហនុ៖ ក្រោយពីទទួលដំណឹង ថាស្ត្រីមេម៉ាយម្នាក់ ត្រូវភ្លើងឆេះផ្ទះ នៅថ្ងៃទី១២ ខែមីនា ម្សិលមិញនេះ បណ្តាលអោយ ខូចខាតទាំងស្រុង ស្ថិតនៅភូមិ២ ឃុំអូរត្រេះ ស្រុកស្ទឹងហាវ លោក ទៀ វិចិត្រ ជាអ្នកជំនួញវ័យក្មេងដែលតែងតែមានចិត្តសប្បុរសធម៌នៅខេត្តព្រះសីហនុ ដោយទឹកចិត្តអាណិតអាសូ បានជួយសង់ផ្ទះថ្មីមួយជូនវិញ។

ស្ត្រីរងគ្រោះដោយភ្លើងឆេះផ្ទះ ហើយបានទទួលការសាងសង់ផ្ទះវិញអោយ ដោយ លោក ទៀ វិចិត្រ នោះឈ្មោះ តូប  លាង  ជាស្ត្រីម៉េម៉ាយ មានមុខរបរត្រឹមតែជាកម្មករសំណង់  នៅភូមិ២ ឃុំអូរត្រេះ ត្រូវភ្លើងឆេះខូចខាតទ្រព្យសម្បត្តិក្នុងផ្ទះទាំងស្រុង ប៉ុន្តែមិនបណ្តាលអោយមនុស្សរងគ្រោះថ្នាក់ទេ។ក្រោយទទួលបានដំណឹងនេះលោក ទៀ  វិចិត្រប្រកាសថាលោកនឹងផ្តល់ជំនួយជួយសាងសង់ផ្ទះនេះឡើងវិញជូនដល់គ្រួសាររងគ្រោះ ។

ដោយឡែកនៅស្រុកព្រៃនប់វិញ ប៉ុន្មានម៉ោងក្រោយការផ្សព្វផ្សាយពី លោកតាម្នាក់ឈ្មោះនាក់  ញ៉អាយុ៨៤ឆ្នាំ ជួលផ្ទះគេស្នាក់នៅម្តំុ ខាងក្រោយផ្សារ វាលរេញ និងប្រកបរបរ ដើរសំលៀងកាំបិត តាមផ្ទះអ្នកស្រុកនិង ក្នុងផ្សាររួចមក លោក ទៀ វិចិត្របានឧបត្ថម្ភថវិកា ចំនួន៤០មុឺនរៀល អង្ករ២បាវ១០០គីឡូក្រាម ព្រមទាំងគ្រឿងឧបភោគបរិភោគ ច្រើនមុខទៀតជូន ទៅលោកតាជរារូបនេះ តាមរយៈលោកមេឃំុ វាលរេញស្រុកព្រៃនប់ កាលពីរសៀលថ្ងៃទី ១១ ខែ មិនា ឆ្នាំ ២០១៦។

តាមស្ថានភាពជាក់ស្តែងលោកតាជរារូបនេះ ត្រចៀកស្តាប់មិនសូវឮភ្នែកក៍មើល មិនសូវច្បាស់ពឹងលើឈើច្រត់ ដើរសំលៀងកាំបិត អោយអ្នកស្រុកក្បែរ ខាងប្តូរយកកម្រៃចិញ្ចឹមជីវិត និងបង់ថ្លៃផ្ទះជួលមួយខែ៧មុឺនរៀល។

លោកតាមានប្រសាសន៍ ទាំងសម្តីញរ័ថានេះជា ការទទួលបានជំនួយ លើកដំបូងសំរាប់រូបគាត់ និងផ្តាំផ្ញើអរគុណជូនពរពីចម្ងាយជូនលោក ទៀ វិចិត្រ ដែលផ្តល់ជំនួយសំរាប់ មនុស្សជរាដូចរូបគាត់ នាពេលនេះ៕

Source: ព័ត៌មានថ្មីបំផុត | 13 Mar 2016 | 4:51 am

ក្រសួង ធនធានទឹក បើកការដ្ឋាន ស្តារប្រឡាយ ២ខ្សែជាង ៩ពាន់ម៉ែត្រ នៅបាត់ដំបង

ភ្នំពេញ៖ក្រសួងធនធានទឹក និងឧតុនិយម បានបើកការដ្ឋានស្តារ ប្រឡាយមេលេខ១ និងប្រឡាយរង ចំនួន ២ ខ្សែ សរុបប្រវែង ៩.៣០០ ម៉ែត្រ ស្ថិតក្នុងឃុំអូរតាគី ស្រុកថ្មគោល ខេត្តបាត់ដំបង។

យោងតាមបណ្ដាញ ទំនាក់ទំនងសង្គមហ្វេសប៊ុក របស់ក្រសួង ធនធានទឹក នៅថ្ងៃទី១៣ ខែមីនា ឆ្នាំ២០១៦ បានឲ្យដឹងថា “ក្រោយពេលបញ្ចប់ការដ្ឋាន នៅក្នុងអំឡុងខែសីហា ឆ្នាំ ២០១៦ ខាងមុខ តាមរយៈការនាំទឹកពីស្ទឹងបវេល ប្រឡាយទាំង ៣ ខ្សែ នេះ នឹងផ្តល់ទឹកសម្រាប់ការស្រោចស្រពលើផ្ទៃដីដំណាំស្រូវប្រាំង ចំនួន ២.១៣៦ ហិកតា ស្រូវវស្សា ចំនួន ៣៦០ ហិកតា និងដំណាំរួមផ្សំជាច្រើនហិកតាទៀត។ នឹងការសាងសង់សំណង់ សិល្បការជាច្រើនកន្លែងទៀត”៕

Source: ព័ត៌មានថ្មីបំផុត | 13 Mar 2016 | 4:35 am

តំណាងរាស្រ្ត CNRP មកដល់​ហ្វីលីពីន​រង់ចាំ​ ជួប​ឯកឧត្តម​ សម រង្ស៊ី

ភ្នំពេញ៖ ក្រុមតំណាងរាស្រ្ត របស់គណបក្សសង្រ្គោះជាតិ (CNRP) ជាច្រើនរូប បានធ្វើដំណើរមកដល់ ទីក្រុងម៉ានីល ប្រទេសហ្វីលីពីនហើយ នៅព្រឹកថ្ងៃអាទិត្យ ទី១៣ ខែមីនា ឆ្នាំ២០១៦នេះ ដើម្បីរង់ចាំជួបពិភាក្សាការងារ មួយចំនួនជាមួយមេបក្សរបស់ខ្លួន គឺឯកឧត្តម សម រង្ស៊ី។

នេះបើយោងតាមបណ្តាញ ទំនាក់ទំនងសង្គមហ្វេសប៊ុក របស់ លោក អេង ឆៃអ៊ាង៕

Source: ព័ត៌មានថ្មីបំផុត | 13 Mar 2016 | 4:31 am

លោក ហ៊ុន ម៉ាណែត៖ ចូលរួម​ព្យុហយាត្រា អបអរ​សាទរ​ចូល​ឆ្នាំថ្មី នៅ​អាមេរិក​ មិនពាក់ព័ន្ធ​នយោបាយ​

ភ្នំពេញ៖ លោក ហ៊ុន ម៉ាណែត កូនច្បងនាយករដ្ឋមន្រ្តីកម្ពុជា ដែលមានតួនាទី ជាប្រធានក្រុមការងារ រៀបចំអង្គការចាត់តាំង យុវជនក្រៅប្រទេស បានថ្លែងថា លោកទៅចូលរួម ក្នុងកម្មវិធីព្យុហយាត្រាអបអរសាទរ បុណ្យចូលឆ្នាំថ្មី នៅទីក្រុងឡុងប៊ិច សហរដ្ឋអាមេរិក មិនពាក់ព័ន្ធនឹងនយោបាយ និងមិនប្រកាន់ទីកន្លែងនោះទេ។
លោក ហ៊ុន ម៉ាណែត បានលើកឡើង ក្នុងបណ្តាញទំនាក់ទំនងសង្គមហ្វេសប៊ុផ្ទាល់ខ្លួននៅព្រឹកអាទិត្យ ទី១៣ ខែមីនា ឆ្នាំ២០១៦ ថា ប៉ុន្មានថ្ងៃមកនេះ មានការជជែក តស៊ូមតិគ្នារវាងអ្នកគាំទ្រនិងអ្នកមិនគាំទ្រ នៃការចូលរួមរបស់លោកក្នុងកម្មវិធីព្យុហយាត្រាអបអរសាទរបុណ្យចូលឆ្នាំថ្មីនៅទីក្រុងឡុងប៊ិច សហរដ្ឋអាមេរិក តបតាមការអញ្ជើញរបស់គណៈកម្មាធិការបុរីកម្ពុជា។

លោកបញ្ជាក់ថា “ខ្ញុំសម្រេចចិត្តទទួលយល់ព្រមចូលរួមក្នុងពិធីនេះ គឺដើម្បីបង្ហាញការគាំទ្រយ៉ាងពេញទំហឹងរបស់ខ្ញុំ ចំពោះគោលគំនិតដ៍ល្អរបស់គណៈកម្មាធិការ ដែលចង់ឃើញខ្មែររួបរួមគ្នា ដោយមិនប្រកាន់ទីកន្លែងរស់នៅ (នៅអាមេរិក នៅស្រុកខ្មែរ ឬនៅប្រទេសណាទេ) និន្នាការនយោបាយ សាសនា ដើម្បីលើកស្ទួយកិត្តិយសជាតិខ្មែរនៅលើឆាកអន្តរជាតិក្នុងឱកាសដ៍ពិសេសនេះ”។

លោកបានលើកឡើងទៀតថា មិនសំខាន់ថា ម្ខាងៗមានហេតុផលយ៉ាងណានោះទេ ប៉ុន្តែអ្វីដែលសំខាន់ បង្ហាញឲ្យឃើញនូវការបែកបាក់សាមគ្គីរវាងខ្មែរនិងខ្មែរ ក្នុងពេលមួយដែលគួររួបរួមគ្នា មិនប្រកាន់គ្នា ដើម្បីធ្វើការរួមគ្នាលើកស្ទួយជាតិ តាមរយៈការរួមគ្នាបង្ហាញអំពីវប្បធម៌និងអរិយធម៌ដ៍ឧត្តុងឧត្តមរបស់ខ្មែរ ឲ្យប្រជាជនអាមេរិកាំងនិងជាតិសាសន៍ដ៍ទៃទៀតបានឃើញ។

លោកហ៊ុន ម៉ាណែត បន្តថា “ខ្ញុំសង្ឃឹមថា ការខ្វែងគំនិតរវាងបងប្អូនជនរួមជាតិទាំងអស់ទាក់ទងប្រធានបទនេះ នឹងអាចត្រូវបញ្ចប់ ហើយជំនួសវិញដោយ ការចូលរួមមតិយោបល់ ថាតើធ្វើយ៉ាងណាឲ្យយើង អាចទាញយកផលចំណេញពីកម្មវិធីនេះ ដើម្បីផ្សព្វផ្សាយពីការរីកចំរើន របស់ប្រទេសរបស់យើង ពីវប្បធម៌និងអរិយធម៌ខ្មែរយើងឲ្យជនជាតិបរទេសបានដឹងនិងបានយល់”។

ព្រមជាមួយគ្នានេះដែរ លោក៏បានស្នើឲ្យគណៈកម្មាធិការបុរីកម្ពុជា ពិចារណាក្នុងការអញ្ជើញថ្នាក់ដឹកនាំ របស់គណបក្សសង្គ្រោះជាតិ ចូលរួមជាមួយគ្នាក្នុង ឱកាសចូលឆ្នាំថ្មី ប្រពៃណីជាតិ ដើម្បីបង្ហាញពីសាមគ្គីភាពរវាងគ្នា និងគ្នាក្នុងនាមមហាគ្រួសារខ្មែរ តែមួយ៕

Source: ព័ត៌មានថ្មីបំផុត | 13 Mar 2016 | 4:09 am

បុណ្យទន្លេ​ថ្ងៃទី​២ នេះ មាន​មនុស្ស មក​កំសាន្ត​ច្រើន​កុះករ ជាងថ្ងៃ​ដំបូង​

កំពង់ចាម៖ ពីធីបុណ្យទន្លេ ដែលប្រារព្វធ្វើឡើងនៅក្នុង ខេត្តកំពង់ចាម ក្នុងរាត្រីថ្ងៃទី១២ ខែមិនា ឆ្នាំ២០១៦ ដែលជាថ្ងៃទី២នៃពិធីបុណ្យនេះ  គេសង្កេតឃើញថា មានមនុស្សចូលរួម ដើរកំសាន្តច្រើនកុះករ ជាងថ្ងៃដំបូង ។

សមត្ថកិច្ចនគរបាល ខេត្តកំពង់ចាម បានឲ្យដឹងនៅព្រឹកថ្ងៃ អាទិត្យ ១៣ ខែមីនា ឆ្នាំ២០១៦នេះថា ការធ្វើដំណើរកំសាន្តរបស់ប្រជាពលរដ្ឋ គឺប្រកបដោយសន្តិសុខ សុវត្ថិភាពល្អ ដោយក្រុមអាជ្ញាធរមានសមត្ថកិច្ច កងកម្លាំងប្រដាប់អាវុធ បានពង្រាយកម្លាំងថែរក្សាសន្តិសុខ សុវត្ថិភាព សណ្តាប់ធ្នាប់ យ៉ាងហ្មត់ចត់ ។ នៅល្ងាចថ្ងៃទី១២ ខែ មីនា ឆ្នាំ២០១៦ ត្រូវជាថ្ងៃទី ២ នៃការប្រារព្ធពិធីបុណ្យទន្លេ នៅក្នងខេត្តកំពង់ចាម មានចំនួនមនុស្សច្រើនកុះករលើសថ្ងៃពីថ្ងៃដំបូងទៀត។

បើតាមប្រភពដដែល ឲ្យដឹងផងដែរថា ក្នុងថ្ងៃដដែលនោះ កម្លាំងនគរបាលបានទទួលពាក្យបណ្តឹងពីប្រជាពលរដ្ឋ នៅទីបញ្ជារការកម្រិតស្រាល ថាពួកគាត់បានបាត់ កូនប្រុស ចំនួន ២នាក់ ដែលក្មេងទាំង ២នាក់នោះ មានអាយុក្រោម ១១ឆ្នាំ បានវង្វេង ពីពួកគាត់ពេលមកដើរកំសាន្ត។ បន្ទាប់ពីទទួលបានពត៌មាន កម្លាំងនគរបាល បានប្រកាសតាមវិទ្យុទាក់ទង និងឧឃោសនស័ព្ទ និងកម្លាំងល្បាត រហូតរកកុមារទាំង ២នាក់ឃើញ និងបានប្រគល់ជូនឳពុកម្តាយរបស់កុមារនោះ រៀងៗខ្លួន។ ក្រៅពីនេះ មិនមានហេតុការណ៍អ្វីធំដុំ កើតឡើងនោះទេ៕

Source: ព័ត៌មានថ្មីបំផុត | 13 Mar 2016 | 4:04 am

នគរបាល ខណ្ឌមានជ័យ ឃាត់ខ្លួនជនសង្ស័យ ២នាក់ រួមនឹងគ្រឿងញៀន ៦កញ្ចប់

ភ្នំពេញ ៖ នគរបាលខណ្ឌ និងកម្លាំងប៉ុស្តិ៍បឹងទំពុន បានឃាត់ខ្លួន ជនសង្ស័យ ០២នាក់ពីបទ ជួញដូរ និង ប្រើប្រាស់នូវសារធាតុញៀន កាលពីថ្ងៃទី១៣ ខែមីនា ឆ្នាំ២០១៦ វេលាម៉ោង០២ និង៣០នាទី រំលងអាធ្រាត្រ នៅចំណុចផ្លូវលេខ ៧៧ បេតេ ភូមិ ចំរើនផល សង្កាត់ បឹងទំពុន ខណ្ឌមានជ័យ រាជធានីភ្នំពេញ  ។

លោក តេង ស៊ីណូ អធិការនគរបាលខណ្ឌ មានជ័យ បានអោយដឹងថា ជនសង្ស័យទាំង២នេះ ១- ឈ្មោះ សុខ សារ័ត្ន ភេទ ប្រុស អាយុ ២១ ឆ្នាំ មុខរបរ កម្មកររោងចក្រ ស្នាក់នៅផ្ទះជួល ផ្លូវ លំ ភូមិ ចំរើនផល សង្កាត់ បឹងទំពុន ខណ្ឌមានជ័យ ។

២-ឈ្មោះ ឡុង ម៉ីទិត្យ ហៅ ម៉ាប់ ភេទ ប្រុស អាយុ ៣៩ ឆ្នាំ មុខរបរ រត់ម៉ូតូឌុប ស្នាក់នៅផ្ទះជួល ផ្លូវ លំ ភូមិ ទ្រា   សង្កាត់ ស្ទឹងមានជ័យ ខណ្ឌមានជ័យ ។

ក្នុងនោះ កម្លាំងបានដកហូតវត្ថុតាងរួមមាន៖ ក្រាមពណ៍សថ្លាចំនួន ០៦កញ្ចប់ថង់តូច, ទូរស័ព្ទដៃចាស់ ០២ គ្រឿង, សំបកថង់ប្លាស្ទិចមួយចំនួន, ទុយយោជ័រ ០១កំណាត់ ,លុយខ្មែរ ៥០០០០រៀល ,ដាវ០១ដើមនិង ម៉ូតូ០១គ្រឿងម៉ាកវីវ៉ា ពណ៍ឈាមជ្រូក  ពាក់ស្លាកលេខ ភ្នំពេញ 1Q-0083  ។

បច្ចុប្បន្នជនសង្ស័យទាំង២នាក់ និងវត្ថុតាង ថ្នាំញៀន ៦កញ្ចប់  ត្រូវបាននាំទៅកាន់ អធិការដ្ឋានខណ្ឌ ដើម្បីកសាងសំណុំរឿងបញ្ជូនទៅតុលាការ ។

Source: ព័ត៌មានថ្មីបំផុត | 13 Mar 2016 | 3:32 am

បុរសម្នាក់​បើក​រថយន្ត បុកគេ​ស្លាប់​ រួចរត់​ចូល​ទឹកទន្លេ​ ត្រូវលង់​ស្លាប់​វិញ​

ភ្នំពេញ៖ បុរសជាអ្នកបើកបរ រថយន្តបានស្លាប់ដោយ ការលង់ទឹក ក្រោយពេលដែលរូបគេ បានបើករថយន្តតាក់ស៊ី ដឹកឈើជ្រុលទៅ បុកស្ត្រីជាអ្នកជិះកង់ម្នាក់ បណ្តាលឲ្យស្លាប់ ហើយក៏ជ្រូលចូល ទៅក្នុងទឹក ទន្លេហើយបានលិចទៅបាត់ ។

យោងតាមគេហទំព័រ ហ្វេសប៊ុករបស់ សង្នការនគរបាលជាតិ នៅព្រឹកថ្ងៃទី១៣ ខែមីនា ឆ្នាំ២០១៦បានឲ្យដឹងថា “មានគ្រោះថ្នាក់ចរាចរណ៍មួយ បានកើតឡើងកាល ពីវេលាម៉ោង១ថ្ងៃទី១២ មិនា នៅលើផ្លូវជាតិក្នុងសង្កាត់រការកណ្តាល ក្រុងក្រចេះ។  បង្កឡើងដោយរថយន្ត សាំយ៉ុងមួយគ្រឿង មានដឹកឈើបង្កប់ បានបើកបុកជាមួយ និងស្ត្រីម្នាក់ ដែលបានជិះកង់ឆ្លងផ្លូវបណ្តាលឲ្យ ស្លាប់ភ្លាមៗ”។

នគរបាលបានបន្ដទៀតថា ស្ត្រីរងគ្រោះដែលកំពុងជិះកង់ឆ្លងផ្លូវ ត្រូវរថយន្តបុកស្លាប់ ឈ្មោះ វ៉ាន់ ភួន អាយុ៦៣ឆ្នាំ រស់នៅក្នុងសង្កាត់រការកណ្តាល ក្រុងក្រចេះ និងត្រូវ ស្លាប់ភ្លាមៗ បន្ទាប់ពីស្ត្រីរងគ្រោះបានជិះកង់ត្រឡប់ មកពីមន្ទីរពេទ្យសំដៅមកផ្ទះ ដើម្បីយកបាយទៅឲ្យកូនស្រី ដែលកំពុងរៀបចំសម្រាលកូន។

បុរសជាអ្នកបើករបររថយន្តមួយគ្រឿងនេះ មិនត្រូវបានស្គាល់ អត្តសញ្ញាណនោះទេ ។ ក្រោយពីបង្កហេតុបើករថយន្តបុកមនុស្សបណ្តាល ឲ្យស្លាប់រួចមក បុរសជាអ្នកបើកបររូបនេះ បានទុករថយន្តចោល នៅកន្លែងកើតហេតុ និងបានរត់គេចខ្លួនចុះទៅក្នុងទន្លេ ហើយក៏បានលិចក្នុងទឹកបាត់រហូត ។

អ្នកភូមិឃើញហេតុការណ៍បានបន្ថែមថា គេបានឃើញបុរសរូបនេះ បានរត់ចុះទៅក្នុងទឹក ទន្លេបំរុងហែលឆ្លង តែបានស្រែកហៅឲ្យគេជួយតែគ្មាននរណាជួយទាន់ ហើយបាន លិចក្នុងទឹក ព្រោះតំបន់នោះជាតំបន់ខ្សាច់សម្បូរល្បាក់ ។

លោក ចក់ ផល្លី អធិការរងនគរបាលក្រុងក្រចេះ បញ្ជាក់ថា  នគរបាលកំពុងតែ ចុះរាវរកសាកសពរបស់បុរសរូបនេះ ក្រោយពីសង្ស័យថា បុរសរូបនេះអាចលង់ទឹក ស្លាប់ ព្រោះទឹកតំបន់នោះជាតំបន់ឆ្នេរខ្សាច់សម្បូរទៅដោយល្បាក់។ រីឯរថយន្ត ក៏ត្រូវបាននគរបាលនាំមករក្សាទុកនៅអធិការដ្ឋាន ដើម្បីមានវិធានការបន្ត ៕

Source: ព័ត៌មានថ្មីបំផុត | 13 Mar 2016 | 3:23 am

ក្នុងខែកុម្ភៈ ឆ្នាំ២០១៦ BMW លក់ដាច់អស់រថយន្ត ប្រមាណជាង ១៦០,០០០គ្រឿង

ម៉ូនិច៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១២ ខែមិនា ឆ្នាំ២០១៦ថា ក្រុមហ៊ុន BMW បានលក់រថយន្តរបស់ខ្លួន អស់ប្រមាណ ១៦,៩៦៥គ្រឿង ។

យោងតាមតួលេខមួយដែលបានបង្ហាញឡើងដោយ ក្រុមហ៊ុនផលិតរថយន្តយក្ស របស់អាល្លឺម៉ង់ BMW បានឲ្យដឹងកាលពីថ្ងៃសុក្រថា កំណត់នៃការលក់រថយន្ត បានកើនឡើងប្រមាណ៧,៩ភាគរយ ដែលមានរថយន្តលក់ចេញសរុបចំនួន១៦៣,៩៦៥គ្រឿង ក្នុងនោះមានដូចជា MINI និង Rolls-Royce ។

សរុបនៃការលក់រថយន្តដែលផ្តល់ឲ្យអតិថិជន នៅទូទាំងពិភពលោក គិតត្រឹមដើមឆ្នាំ ពីខែមកនេះ មានចំនួន៣១៦,៨៤៦ គ្រឿង តួលេខនេះបានកើនឡើង ប្រមាណ៧,៧ ភាគរយ ធៀបនឹងឆ្នាំមុន ។

ក្រុមហ៊ុន BMW បានចេញសេចក្តីប្រកាសមួយថា ទីផ្សាររបស់ខ្លួនមានភាព រីកចម្រើនឡើងស្ទើរគ្រប់កន្លែង ។

ដោយឡែកគ្រាន់តែទីផ្សារនៅក្នុងតំបន់អាស៊ី BMW និង MINI គិតក្នុងខែមករា និងខែកុម្ភៈ បានកើនឡើង១២,១ភាគរយ ស្មើនឹង១១៣,៥៨៨ គ្រឿង ធៀបនឹងឆ្នាំមុន ។ ក្នុងនោះសម្រាប់ទីផ្សារនៅក្រុងប៉េកាំង ប្រទេសចិន បានកើនឡើង១២,៧ ភាគរយ ស្មើនឹង៨០,២១៥ គ្រឿង ៕

Source: ព័ត៌មានថ្មីបំផុត | 13 Mar 2016 | 3:09 am

camnews.org
សំលេងសហរដ្ឋអាមេរិក
វិទ្យុអាស៊ីសេរី
វិទ្យុបារាំង
វិទ្យុអូស្រ្ដាលី
Ki-Media Blogs
khmerization
Dap-News
កោះសន្ដិភាព
ខ្មែរម្ចាស់ស្រុក
សារព័ត៌មានសេរី
Cambodia Express News
Phnom Penh Daily News
Phnom Penh Post
Everyday
កម្ពុជាថ្មី
សារព័ត៌មានខ្មែរស្ថាបនា
នគរវត្ដ
Kqube
អង្គភាពព័ត៌មាន និងប្រតិកម្មរហ័ស
The Southeast Asia Weekly
ka-set
Cambodge Soir
ព័ត៌មានព្រៃនគរ
Yahoo News
Google News
Yahoo ព៌តមានរូបភាព
Bing News
Sin Chew Daily News
ខ្មែរស្ថាបនា
KhmerBird
johnvink
Watch Khmer Live TV
Phnom Penh Evening Post
The NY Times
Khmer TV online
BeehiveFM 105
Loading...